Semana cultural

Esta semana tivo lugar o noso tradicional Maratón de Lectura. Este ano estivo dedicado ao teatro. Tamén contamos coa actuación do Coro do IES A Sardiñeira e, dentro das actividades da semana, teremos ocasión de asistir á proxección duns videopoemas realizados polo alumnado.

Charla con Nando López

O pasado mércores 10 de abril, o escritor Nando López fixo un oco no seu “nandotour” para charlar sobre a novela El reino de las tres lunas co alumnado de 1º da ESO, contar anécdotas e responder moitas preguntas que xurdiron sobre a súa obra. Moitísimas grazas, Nando, pola túa proximidade, dinamismo e excelente trato co alumnado! Moitas grazas tamén á editorial Santillana por ternos facilitado este encontro.

Poesía e graffiti con Dores Tembrás

O alumnado de 1º de bacharelato tivo a sorte de compartir a tarde do pasado martes, 9 de abril, con Dores Tembrás nun obradoiro de poesía e graffiti que serviu non só para reflexionar sobre a esencia do poético, senón tamén para interpretar algunhas das suxestivas pintadas seleccionadas pola poetisa: “Solo solos somos libres”. Así valoraron algúns dos nosos alumnos este encontro: “moi reflexivo, moi inspirador”; “conseguiu captar a miña atención”; “múltiples interpretacións”... 

Conferencia de Rubén Ruibal

No martes 26, Rubén Ruibal virá falarnos da súa obra Limpeza de sangue. Á charla asistirán os alumnos de 1º e 2º de bacharelato. Esta conferencia é posíbel por ter sido incluída dentro do programa "Actividades literarias en institutos" do "Plan de fomento de la lectura" do Ministerio de Educación, Cultura y Deporte.

Conferencia de Cándido Pazó

No martes 12, teremos a conferencia de Cándido Pazó, A adaptación ao teatro doutros xéneros literarios, á cal está previsto que asistan os alumnos de 1º e 2º de bacharelato. Esta conferencia é posíbel por ter sido incluída dentro do programa "Actividades literarias en institutos" do "Plan de fomento de la lectura" do Ministerio de Educación, Cultura y Deporte.

Novas sobre os Clubs de Lectura

Xa tivemos as primeiras reunións dos Clubs de Lectura; falamos sobre a Canción de Nadal, de Charles Dickens, no Club Caladoiro. Sobre O asesinato de Roger Acroyd e O hibisco púrpura, no Club Interniveis e, no Club de adultos, comentamos Enderezo descoñecido.

As seguintes lecturas van ser: 

 
Senlleiras, de Antía Yáñez, para Interniveis.



Viaxe ao centro da Terra, de Xulio Verne, para Caladoiro.



La uruguaya, de Pedro Mairal, para o Club de adultos.


 
Desaparecido, de Kei Sanbe, para o Club de Manga.

Conferencias: Divulgación científica da UDC

Informámosvos das conferencias que tivemos nos últimos días, ofrecidas pola Universidade da Coruña. Haberá máis e esperamos poder ir informándovos de todas elas.

Imaxe creada por freepik
www.freepik.es

•  25 de xaneiro

  Conferencia de Juan Casto Rivadulla sobre Neurociencia, Estás seguro do que ves? Asistiron os alumnos de 2º e 1º de bacharelato, das materias de Psicoloxía e Filosofía, e o o alumnado de 4º de ESO da materia de Filosofía.

•  5 de febreiro

  Conferencia de Mª Teresa Rodríguez Blas: Na búsqueda da felicidade: A Química "extraordinaria " da vida ordinaria. Alumnado asistente: 2ºESO A e B e PEMAR.

Club de Lectura "Manga"

Reunións do Club de Lectura

O Club de Lectura reunirase nas seguintes datas:

Club interniveis

• Martes, 15 de xaneiro, ás 14:30: O asasinato de Roger Ackroyd.
• Martes, 22 de xaneiro, ás 14:30: O hibisco púrpura.

Club "Caladoiro"

• Martes, 29 de xaneiro, ás 14:30: Canción de Nadal.

Club adultos

• Martes, 22 de xaneiro, ás 18:10: Enderezo descoñecido

 

Encontro con Ledicia Costas

Xa nos visitou Ledicia Costas, falou sobre o libro que leu ou está a ler o alumnado de 3º e fixéronselle moitas preguntas. Ao rematar asinou exemplares dos seus libros. Desde a Biblioteca queremos agradecer á Asociación de Escritores en Lingua Galega (AELG) e ao Servizo de Normalización do Concello da Coruña que fixesen posible este Encontro.

 

Libros do Club de Lectura Interniveis

Os integrantes do Club de Lectura Interniveis tiveron a primeira renión e dividíronse en dous grupos para ler:

O asasinato de Roger Ackoyd, de Agatha Christie

O hibisco púrpura, de Chimamanda Ngozi Adichie.

Charla de Ledicia Costas

O mércores 21 vén Ledicia Costas para falar co alumnado de 3º da ESO sobre o seu libro  O corazón de Xúpiter.

Voluntariado na Biblioteca

Xa está aberta a convocatoria para inscribirse como voluntario na Biblioteca. Se queres participar, tes que pasar pola Biblioteca para apuntarte. Tendes de prazo ata o 15 de novembro.

Club de Lectura

Xa está en marcha o Club de Lectura para o curso 2018-19. Aquí tendes os grupos que se van organizar. Esperamos contar coa vosa participación.

• Club de Lectura Caladoiro 
  Niveis: 1º, 2º e 3º de ESO.
  O alumnado interesado en participar no Club de Lectura tense que anotar na Biblioteca antes do día 16 de novembro, venres.
  A reunión informativa, unha vez constituído o Club, terá lugar o luns, 19 de novembro no 1º recreo. Nesta reunión acordarase o primeiro libro a ler no Club, así como se fixará a data de reparto dos libros que, en todo caso, será antes das vacacións do Nadal.
• Club de Lectura Interniveis
  Niveis: 4º de ESO, 1 e 2º de Bacharelato.
  O alumnado interesado en participar no Club de Lectura tense que anotar na Biblioteca antes do día 9 de novembro, venres.
  A reunión informativa, unha vez constituído o Club, terá lugar o luns, 12 de novembro no 1º recreo. Nesta reunión acordarase o primeiro libro a ler no Club, así como se fixará a data de reparto dos libros que, en todo caso, será antes das vacacións do Nadal. 
• Club de Lectura para adultos
  As persoas interesadas en participar no Club de Lectura tense que anotar na Biblioteca ou mediante correo electrónico (bibliotecasardineira@gmail.com) antes do día 16 de novembro, venres.
  A reunión informativa, unha vez constituído o Club, terá lugar o martes, 20 de novembro as 18:15 h na Biblioteca. Nesta reunión acordarase o primeiro libro a ler no Club, así como se fixará a data de reparto dos libros que, en todo caso, será antes das vacacións do Nadal.

Taller de papiroflexia

A ONG Implicadas impartirá mañán un taller de papiroflexia dirixido aos alumnos de 3º de ESO.

Conferencia de Xoán Babarro

Mañán, 9 de maio, Xoán Babarro falará da súa obra, Hilario e os tres medos. A charla estará dirixida ao alumnado de 1º de ESO.

Maratón de lectura

Hoxe, dentro das actividades da Semana cultural, temos o maratón de lectura. O tema: Literatura en feminino.

Conferencia de Raúl Veiga

No luns 7, ás 12:45, teremos a conferencia de Raúl Veiga, Escribir para o cinema, á que está previsto que asistan os alumnos de 1º de bacharelato.

Esta conferencia está incluída dentro do programa "Actividades literarias en institutos" do "Plan de fomento de la lectura" do Ministerio de Educación, Cultura y Deporte.

Semana cultural

A nosa tradicional Semana cultural xa está aquí. Hai actividades para todos. Esperamos que teñades ocasión de gozar e aprender.
A festa arrinca mañán, venres 4, cunha conferencia de Marilar Aleixandre. Iremos vos informando, día a día, de todo o que aconteza mais, para vós ir facendo unha idea, quédavos aquí o programa das actividades. Se queres velo mellor, preme na imaxe.

Conferencia: Historia do libro

Luns, 23 de abril, ás 12:45, terá lugar a conferencia de Mercedes López-Mayán Navarrete, Historia do libro. Estará dirixida aos alumnos de ESO de 3ºB, de 4ºB e aos alumnos de 1º B bacharelato.