Semana cultural

Esta semana tivo lugar o noso tradicional Maratón de Lectura. Este ano estivo dedicado ao teatro. Tamén contamos coa actuación do Coro do IES A Sardiñeira e, dentro das actividades da semana, teremos ocasión de asistir á proxección duns videopoemas realizados polo alumnado.

Maratón de lectura

Hoxe, dentro das actividades da Semana cultural, temos o maratón de lectura. O tema: Literatura en feminino.

Semana de actividades. Conferencia

Mañá xoves dá comezo a tradicional semana de actividades da Biblioteca. Iniciamos esta nova edición cunha conferencia de Tucho Calvo sobre Paz Andrade. Para ver o resto das actividades premede no cartel.

Maratón de lectura

Aquí podedes comprobar por vós mesmos, se non tivéchedes a sorte de facelo en directo, o magnífico traballo dos alumnos deste Centro. Por suposto, o tema ... o amor!

Posta ao día

Como é evidente, estivemos un pouco retirados da nosa actividade bloguera. Pedimos desculpas e esperamos porvos ao día de inmediato.

Celebramos a nosa semana de actividades e pasámolo moi ben. Foi estupendo contar coa presenza de Mercedes Queixas e introducirnos na personalidade de Lois Pereiro da súa man.Tamén puidemos disfrutar da música de Aero Soul e da actuación estelar dos nosos alumnos no maratón de lectura. A eles dedícamoslle a outra entrada.