Conferencia: Para que serve o urbanismo

Hoxe, ás 12:45, terá lugar a conferencia de Cándido López González, Para que serve o urbanismo. Estará dirixida ao alumnado de 3º de ESO.

Día de Rosalía: V concurso de recitado

Se queredes ver os participantes no concurso de recitado, premede aquí.

Conferencia: Un paseo polo rueiro coruñés. Nomes propios en feminino singular

No martes 6, ás 16:30, teremos na Biblioteca a conferencia de Mercedes Queixas: Un paseo polo rueiro coruñés. Nomes propios en feminino singular. Esta conferencia está incluída dentro do programa "Actividades literarias en institutos" do "Plan de fomento de la lectura" do Ministerio de Educación, Cultura y Deporte, que este ano nos ofrece o suxestivo lema "Leer te da vidas extras".

Conferencia de neurociencia: A cabeza non para

Hoxe, na Biblioteca, ás 16:30, terá lugar a conferencia de Juan Casto Rivadulla,  A cabeza non para. Organizada en colaboración co Departamento de Filosofía, está previsto que asistan os alumnos de 1º de bacharelato e os de 2º da materia de Psicoloxía.

Día de Rosalía

Este ano celebramos o concurso o 23 de febreiro, venres. Agardamos a vosa participación. Premede na imaxe para obterdes máis información.
Hai unha modificación na hora da realización do acto. Será a 4ª hora (11:35), non a 5ª.

Club de lectura: O anxo negro, de Manuel Gago

Para todos aqueles que estades a ler O anxo negro, lembrade que a reunión é no martes, 20 de febreiro.

Club de lectura

H. Cartier-Bresson

 O Club de lectura xa está en marcha. Trataremos de vos ir informando de todas as cousas que vaian ocorrendo. Sede pacientes con nós se non o facemos coa puntualidade que desexariamos. Sabede que, se non vos anotáchedes a esta primeira quenda de lecturas, podedes facelo para a seguinte. Contamos con vós!