Flores de Satie para Kavafis, Barakalaika

O obradoiro de teatro escolar Barakalaika xorde neste curso cunha vocación, quizais non compartida: antepoñer o pracer de percorrer o camiño á obriga de chegar a un destino, mostrando que só a vontade de pasalo ben nos pode abeirar do aburrimento e da súa sombra, a diversión. 

Flores de Satie para Kavafis. Actuación de Barakalaika

Este mércores, dentro da semana de actividades culturais, terá lugar a primeira actuación de Barakalaika, nome do Obradoiro de teatro do IES A Sardiñeira. Para esta actuación é preciso ter invitación que, como xa vos indicavamos na entrada anterior, podedes recoller na Biblioteca. Aqueles que non podades ver a representación nesta ocasión teredes unha nova oportunidade na semana do 27 ao 31 de maio. Haberá, en horario lectivo, unha segunda función para os alumnos de 3º de ESO e de 1º e 2º de Bacharelato. Coma sempre, premede no cartaz para ver mellor a información.