Conferencia de Rubén Ruibal

No martes 26, Rubén Ruibal virá falarnos da súa obra Limpeza de sangue. Á charla asistirán os alumnos de 1º e 2º de bacharelato. Esta conferencia é posíbel por ter sido incluída dentro do programa "Actividades literarias en institutos" do "Plan de fomento de la lectura" do Ministerio de Educación, Cultura y Deporte.

Conferencia de Cándido Pazó

No martes 12, teremos a conferencia de Cándido Pazó, A adaptación ao teatro doutros xéneros literarios, á cal está previsto que asistan os alumnos de 1º e 2º de bacharelato. Esta conferencia é posíbel por ter sido incluída dentro do programa "Actividades literarias en institutos" do "Plan de fomento de la lectura" do Ministerio de Educación, Cultura y Deporte.

Conferencias: Divulgación científica da UDC

Informámosvos das conferencias que tivemos nos últimos días, ofrecidas pola Universidade da Coruña. Haberá máis e esperamos poder ir informándovos de todas elas.

Imaxe creada por freepik
www.freepik.es

•  25 de xaneiro

  Conferencia de Juan Casto Rivadulla sobre Neurociencia, Estás seguro do que ves? Asistiron os alumnos de 2º e 1º de bacharelato, das materias de Psicoloxía e Filosofía, e o o alumnado de 4º de ESO da materia de Filosofía.

•  5 de febreiro

  Conferencia de Mª Teresa Rodríguez Blas: Na búsqueda da felicidade: A Química "extraordinaria " da vida ordinaria. Alumnado asistente: 2ºESO A e B e PEMAR.

Conferencia de Xoán Babarro

Mañán, 9 de maio, Xoán Babarro falará da súa obra, Hilario e os tres medos. A charla estará dirixida ao alumnado de 1º de ESO.

Conferencia de Raúl Veiga

No luns 7, ás 12:45, teremos a conferencia de Raúl Veiga, Escribir para o cinema, á que está previsto que asistan os alumnos de 1º de bacharelato.

Esta conferencia está incluída dentro do programa "Actividades literarias en institutos" do "Plan de fomento de la lectura" do Ministerio de Educación, Cultura y Deporte.

Conferencia: Historia do libro

Luns, 23 de abril, ás 12:45, terá lugar a conferencia de Mercedes López-Mayán Navarrete, Historia do libro. Estará dirixida aos alumnos de ESO de 3ºB, de 4ºB e aos alumnos de 1º B bacharelato.

Conferencia: "Tsunamis, terremotos e inundacións: a Física no cine de catástrofes"

Martes, 17 de abril, ás 16:30, terá lugar a conferencia de Manuel F. Herrador Barrios, Tsunamis, terremotos e inundacións: a Física no cine de catástrofes. Estará dirixida aos alumnos de 2º de ESO.

(c) iStock/Thinkstock

Conferencia: Grandes erros na historia da ciencia

Martes, 10 de abril, ás 12:45, terá lugar a conferencia de Moisés Canle López, Grandes erros na historia da ciencia. Estará dirixida aos alumnos dos Ciclos de FP.

Conferencia: Para que serve o urbanismo

Hoxe, ás 12:45, terá lugar a conferencia de Cándido López González, Para que serve o urbanismo. Estará dirixida ao alumnado de 3º de ESO.

Conferencia: Un paseo polo rueiro coruñés. Nomes propios en feminino singular

No martes 6, ás 16:30, teremos na Biblioteca a conferencia de Mercedes Queixas: Un paseo polo rueiro coruñés. Nomes propios en feminino singular. Esta conferencia está incluída dentro do programa "Actividades literarias en institutos" do "Plan de fomento de la lectura" do Ministerio de Educación, Cultura y Deporte, que este ano nos ofrece o suxestivo lema "Leer te da vidas extras".

Conferencia de neurociencia: A cabeza non para

Hoxe, na Biblioteca, ás 16:30, terá lugar a conferencia de Juan Casto Rivadulla,  A cabeza non para. Organizada en colaboración co Departamento de Filosofía, está previsto que asistan os alumnos de 1º de bacharelato e os de 2º da materia de Psicoloxía.

Semana de actividades. Conferencia

Mañá xoves dá comezo a tradicional semana de actividades da Biblioteca. Iniciamos esta nova edición cunha conferencia de Tucho Calvo sobre Paz Andrade. Para ver o resto das actividades premede no cartel.

Conferencia de astronomía

Mañá, venres 3, ás 19:00 h., haberá unha conferencia na Biblioteca sobre astronomía organizada polo Departamento de bioloxía e xeoloxía . Ao remate, como o ano pasado, miraremos as estrelas.

Conferencia da ANPA

O día 15 a ANPA organizou na Biblioteca unha charla sobre Ser pais e nais na Internet. A charla correu a cargo de Jorge Castro Ruso que, como sempre, de forma amena consegue instruírnos sobre os perigos da Rede.

Posta ao día

Como é evidente, estivemos un pouco retirados da nosa actividade bloguera. Pedimos desculpas e esperamos porvos ao día de inmediato.

Celebramos a nosa semana de actividades e pasámolo moi ben. Foi estupendo contar coa presenza de Mercedes Queixas e introducirnos na personalidade de Lois Pereiro da súa man.Tamén puidemos disfrutar da música de Aero Soul e da actuación estelar dos nosos alumnos no maratón de lectura. A eles dedícamoslle a outra entrada.

Actividades do 10 ao 12 de maio

Como xa vén sendo tradicional por estas datas, a biblioteca realizará esta semana unha serie de actividades. Aquí tedes o noso programa:

• Martes 10, ás 16:30: Conferencia de Mercedes Queixas sobre Lois Pereiro. 

• Mércores 11 a partir das 9:00: Maratón de lectura.

• Xoves 12, ás 18:30: Concerto do grupo Aero Soul. A esta actividade está invitada toda a comunidade educativa.

Contamos coa vosa participación!

Conferencia de Santiago Fernández

Cun pouco de retraso, como xa vai sendo habitual, cóntovos algo da marabillosa conferencia de Santiago Fernández no Día mundial do teatro. Contaxionos a súa paixón polo teatro e falounos das fluctuantes liñas que separan a representación e o cotiá e da natureza específica do teatral. Un pracer. Grazas, Santiago.

Día mundial do teatro

Este luns celebraremos o Día mundial do teatro ( 27 de marzo). Ás 10.45 Santiago Fernández introduciranos no mundo do teatro coa súa prodixiosa voz. Tamén poderedes ver (e traballar) a exposición dedicada a esta arte que estará na entrada do centro.